مستشارين رؤية
#مستشارين_رؤية
ولسه مع فريق عمل موقع رؤية وشخصية النهاردة عايز الكل يركز معايا النهاردة هتكلم عن نجم قناة بسطتهالك2 الصاعد معلم مادة الفيزياء
الحمد لله تم إنضمامه رسميا مستشارا لمادة الفيزياء في موقع رؤية التعليمي
بس ياترى مين هو ده اللي فرحانين أوي بإنضمامه لينا رغم صغر سنة ..
مستر مهاب جمال من محافظة الغربية الأصل ومقيم بالإسماعيلية
شاب رغم تواجده على الساحة التعليمية فترة قصيره إلا أنه قدر يحصد حب طلابه أو إخواته زي ما بيحب يعاملهم ..
مستر مهاب جمال أعرفه شخصيا وعلشان كده هاخد راحتي في الكلام عنه بعد إذنه طبعا ..
كتير من أساتذتنا سمعت أسمه مني وأنا بكلمهم لازم سيرته تبقى حاضره كتير من أساتذتنا زورتهم النهاردة هتكلم على شاب كان من أوائل مدرسته الثانوية عام 2015
🔸هتكلم عن الشاب اللي كل طرق التسرب من التعليم كانت قدامه ومحدش كان يقدر يلومه لكن وراءه أم مثالية بمعنى الكلمة أم حاربت الدنيا ونفسها علشان تشوف أولادها أحسن ناس عارف إن ميعاد المنشور أتأخر لكن بجد من أصعب المنشورات اللى بكتبها لو سبت لنفسي الكلام هقول كلام كتير أوي ربنا وحده العالم باللي في قلبي
🔸لما كان في تواصل بيني وبين صاحب موقع بسطتهالك وبدأت أعرف الموضوع وسألني عن حد فيزياء رشحته ليه وكنت زي كتير من حضراتكم أولادهم في الثانوية ومستنين النتيجة تطلع لغاية ما عرفت أنه مش بس أتقبل لكن شغله ممتاز وعاجبهم وقتها أخدت نفسي هو ده مهاب اللي أعرفه أشهد الله أني بحبه وأشهد الله أن بقول يارب أشوف أبنى زيك ..
🔸شاب خريج بتقدير عام جيد جدا ومن قبل ما الشهادة تطلع كان بيسعى أنه يكمل دراساتة العليا مش هطول أكتر من كده لكن حضراتكم تقدروا تدخلو تشوفوه في قناة بسطتهالك2 وتشوفو بنفسكم كمية التعليقات والتفاعلات من كل أنحاء مصر
شرف لموقع رؤية أن ينضم إليه مستر مهاب جمال ليكون من ضمن فريق العمل مستشار لمادة الفيزياء
#رؤية_إسماعيل_موسى
تعليقات
إرسال تعليق
اذا اعجبك الموضوع او لديك اى سؤال برجاء تركه فى التعليقات وسيتم الرد عليك ..