مستشارين رؤية مستر خالد عبدالعزيز

 #مستشارين_رؤية

مستشار مادة الرياضيات للصفين الأول والثاني الثانوي بموقع رؤية.

من أول مافكرنا يكون عندنا طاقم تدريس خاص بنا كان مستر خالد في بالنا ورغم صغر سنه إلا أن كان لازم يكون من أسرة رؤية بصراحه مش عارف أقول عليه الدكتور خالد ولا البشمهندس ولا أقدمه إزاي لكن هعرف حضراتكم به والحكم لكم ...

مستر خالد عبدالعزيز من محافظة الإسماعيلية مش مجرد معلم رياضيات فقط لكن فعلا مثال مشرف لكل جيله وقدوة لمن هم أصغر منه سنا رغم سنه الصغير إلا أنه أكبر إخواته وده اللي وصله إنه يتحمل المسئولية بدري ويفتخر دائما بوالده وعمله الشريف الذي رباه أن يكون صديقه قبل أن يكون إبنه ..

الكل بيستنى الإجازة علشان يرتاح ويلعب إلا مستر خالد وناس مش كتير زيه اللي بيستنى الإجازة علشان ينزل يشتغل علشان يوفر مصاريف دراسته باقي السنة ..

حلمه كلية الهندسة لثقته في عقليته الرياضيه لكن ربنا أراد أن يفرق عن الجامعة الحكومية أجزاء بسيطه ليتحول من هندسة إلى تربية ومن أول يوم في الكلية وبعد ماعرف وحس أن المسئولية زادت مقدرش يستنى الإجازة زي كل سنة علشان يشتغل لكن نزل فورا يشتغل في صيدلية على مدار سنين وكان وقتها الدكتور خالد وقدر يثبت لوالده أنه السند اللي يقدر يعتمد عليه كل اللي فات ده فخر لنا قبله أننا قدرنا نختار مستشارين مش بس شاطرين لكن كمان شخصيات تستحق الإحترام وأنها تكون قدوة لأولادنا

نيجي بقى للجزء الخاص بالمهنة مستر خالد بعد التخرج وتأديتة للمشاركة المجتمعية قدم في مدرسة خاصه ومن أول مرة كان القبول من ضمن 12متقدم وسبب قبوله مش بس شطارته لكن إبتسامته الواثقه شهادة رؤسائه ومديرينه محتاجه كلام كتير وبوست أطول وكلام زمايله عنه الوقت مش هيقضي نكتبها هنا للأسف مستر خالد تم إختياره في قناة بسطتهالك ورغم أنه شغال أولى وتانيه ثانوي إلا أن الفرصة اللي كانت متاحه وقتها الإعدادي ورغم كده وافق عليها وثقته في ربنا ومعرفته بأمكانياته أنه هيوصل في يوم لحلم قديم رغم كل الصعوبات والتحديات.

من النهاردة يعلن موقع رؤية عن إنضمام مستر خالد عبدالعزيز مستشار لمادة الرياضيات للصفين الأول والثاني الثانوي وأى حد عنده سؤال فيهم يقدر يتواصل معانا على رسائل الصفحة بسؤاله وسيجيبه مستر خالد إن شاء الله ...

#رؤية_جديدة_لتعليم_أفضل

#رؤية

#إسماعيل_موسى