زبادو بالخوخ او المانجو من مارو

طريقة عمل الزبادو(الخوخ-الفراولة-المانجو)

مطبخ مارو

رمضان كريم

زبادو بالخوخأو بالمانجو أو بالفراولة:-

المقادير:

كوبايتين كبار زبادي

كوباية خوخ أو مانجو أو فراولة

سكر أو عسل نحل للتحليه

5 مكعبات ثلج

لبن حليب ساقع حسب الحاجه

الطريقه:

الأول بتجهزي الفاكهه إللي هتستخدميها.. لو هتعملي زبادو بالخوخ هتحطي الخوخ في مايه مغليه لمدة دقيقتين وبعدين تشليه وده عشان تقدري تنزعي القشره بتاعته بسهوله..وبعدين تشيلي البذره بتاعته..وتقطعيه نصفين..

لو هتعملي الزبادو بالمانجو.. هتقشريها وتشيلي البذره وتقطعيها مكعبات. .

لو هتعملي الزبادو بالفراوله.. هتشيلي القمع الأخضر بتاعها..

هتحطي الفاكهة إللي هتعمليها سواء الخوخ أو المانجو أو الفراولة في الخلاط وتحطي عليها الزبادي ومكعبات الثلج والسكر أو العسل بالكميه إللي إنتي عايزاها وتضربيهم كويس في الخلاط.. ولو حسيتي إن القوام غليظ شويه ممكن تزودي شوية حليب ساقع .. وصبي الزبادو في أكواب وزينيه بقطع من الفاكهه حسب رغبتك..وقدميه لاسرتك..