طريقة عمل آيس كريم

الأيس كريم

-🍨🍦🍧

هقولكم عن طريقتين للأيس كريم..وهما في منتهى السهوله..أنا عن نفسي بعملها دايما لاولادي. .ومش تنسوا تدعولي. .

☝الطريقه الأولى:الأيس كريم السهل البيتي .

✌الطريقه التانيه:الأيس كريم بتاع المحلات .

🍨مقادير الأيس كريم السهل البيتي:

1 كيلو فاكهه(فراوله-مانجو-موز-مشمش-كيوي)أو أي نوع فاكهه تحبيه .

1 كوباية كريم شانتيه مخفوق أو قشطة وش اللبن أو كريمه لباني بتاعة الحلويات .

5 معالق عسل نحل أو سكر بودره

*الطريقه:

1- نغسل الفاكهه كويس ونحطها في كيس بلاستيك ونحطها في الفريزر لحد لما تتجمد تماما .

2- نضرب الفاكهه المجمده في الخلاط مع الكريمه والعسل أو السكر وبدون ماء نهائيا لغاية لما تبقى بيوريه وبعدين نغرفها في أكواب وتؤكل فورا .

 

 الأيس كريم بتاع المحلات:

المقادير:

1 كيلو لبن حليب .

8 معالق كبيره سكر .

2 ونص معلقه كبيره بديل عسل الجلوكوز .

1 معلقه كبيره محسن أيس كريم. 

ربع معلقة فانيليا خام (إذا اردناه بالفانيليا) .

ربع كوباية كاكاو خام (إذا اردناه بالشيكولاته)

ربع كيلو فراوله بيوريه (إذا اردناه بالفراوله)

ربع كيلو مانجو بيوريه (إذا اردناه بالمانجو)

*الطريقه:

1- نغلي اللبن على النار ونضيفله السكر والمحسن وبديل عسل الجلوكوز مع التقليب المستمر وهو على النار حتى يذوب تماما وبعدين نصبه في بولا ونسيبه يبرد تماما وبعدين نعبيه في كيس بلاستيك ونقفله كويس وندخله الفريزر لغاية لما يتجمد تماما .

2- نكسر الأيس كريم وهو في الكيس بايد الهون حتى يصير فتافيت  صغيره ناعمه وبعدين نخفقه بالمضرب الكهربائي ونضيفله الفانيليا أو الكاكاو أو أي نوع فاكهه تحبيه ونستمر في الخفق حتى يعمل فووم أو مطاطيه خفيفه وبعدين نعبيه في أكواب وندخله الفريزر مره تانيه ليتجمد ثم يؤكل .

      وبالف هنا....

ملحوظه:بديل عسل الجلوكوز ومحسن الأيس كريم بيتباع في محلات بيع مستلزمات الحلواني..

طريقة عمل الزبادو من هنا